საქართველოს პრემიერმინისტრმა ირაკლი ღარიბაშვილმა გერმანიის კანცლერ ოლაფ შოლცთან სატელეფონო საუბრის შესახებ Twitter-ზე დაპოსტა და უკრაინაში ომს "რთული სიტუაცია" უწოდა.
"მოხარული ვარ, რომ მქონდა პროდუქტიული საუბარი ოლაფ შოლცთან. განვიხილეთ რთული სიტუაცია უკრაინასა და მთელ რეგიონში. საუბარი შეეხო საქართველოს ევროპულ და ევროატლანტიკურ ინტეგრაციას და ორმხრივ თანამშრომლობას", - დაწერა ღარიბაშვილმა.
შოლცთან საუბრის შესახებ ინფორმაცია გუშინ, 22 მარტს მთავრობის ადმინისტრაციამ გაავრცელა, რომელშიც ეწერა, რომ მხარეებმა "უკრაინაში მიმდინარე საომარი მოქმედებები" განიხილეს.